Կլիմայական փոփոխություններին հարմարեցվող պարենային անվտանգության բարձրացման ծրագրի (CAFSEP) շրջանակներում 2025 թվականի դեկտեմբեր ամսին հաջողությամբ ավարտվել են ընտրված շահառուների համար նախատեսված դասընթացները։
Դասընթացների նպատակն էր շահառուների կարողությունների զարգացումը և կայուն ու մրցունակ գյուղատնտեսական գործունեության խթանումը։ Ծրագրի ընթացքում մասնակիցները ձեռք են բերել թե՛ տեսական, թե՛ գործնական գիտելիքներ հետևյալ հիմնական ուղղություններով՝
- մարքեթինգ և շուկաների վերլուծություն,
- ֆինանսական գրագիտություն,
- բիզնես պլանի մշակման հմտություններ,
- ժամանակակից գյուղատնտեսական գործելակերպեր՝
- այգիների և մշակաբույսերի հիմնում ու խնամք,
- վնասատուների և հիվանդությունների դեմ պայքար,
- հողի մշակություն, պարարտացում և սնուցում,
- գրունտային ջերմատներում արտադրության առանձնահատկություններ և այլ կարևոր թեմաներ։
Դասընթացների ավարտը կարևոր քայլ է ծրագրի նպատակներին հասնելու, շահառուների կարողությունների ամրապնդման և կլիմայական փոփոխություններին հարմարեցված կայուն պարենային անվտանգության ապահովման ուղղությամբ։
